Dat is d'n tittel van oos vastelaovesleidje.. Klik hie om ut leidje te heure of te downlaode

Op vandaag haet jederein waal get van ein gps-navigatiesysteem in de wage of zelfs op de GSM.
Noe, veer ergere oos dèks gruin en gries aan zo' ne waegwies-pröl, omdat dae heel dèks ouch de waeg neit goud wit, dich knatsj verkeerd sjik, dich geweun neit wil begriepe of dich eine doodloupende waeg in sjik.
In eesjte instantie bedachte veer oos dat ut veur de vastelaovend waal henjig zou zeen este eine gps hauws dae dich de waeg in vastelaoveslandj zou kènne wieze, nao de leukste kefeekes, de grootste eveneménte en nuim mer op.
Mer, gezeen de praktiese ervaringe zal dit idee noots ein groot succes kènne waere en zuuste waarsjienlijk alle oethuik van de provinsie, zónger ouch mer ein gremke van de vastelaovend te zeen en te belaeve.
Dit feit en dees gedachte gekombineierd zeen de ingrediënte en de inspirasie veur het leidje De Vastelaovegee-pee-es, gesjreve door Astrid en Marc Verblakt.

Nuujsjierig? Klik hie om ut leidje te heure

Gaer bedanke veer ouch de muzikante en koor die dees produksie wederom tot ein sjoon rizzultaat höbbe gemaak:
Paul-Jean Jessen, Maurice Stelten, Anita, Hans en Irene Buchleitner, Ron Cortenraad, Suzanne Stelten, Astrid en Bep Verblakt.

Veer wunsje uch vööl loesterplezeier, sjpas en lol.

Teks en meziek: Astrid & Marc Verblakt 

Koeplèt 1
Wilste vastelaovend viere,
mer doe wèts neit wie of waat
Dan höb’ veer hie noe get,
daomit kumste neit te laat
Dees nuuj versie zèt Limburg drie daag oppe kaart
Van Eijsde pès de Mookerhei blif niks gesjpaard
Waat zaet de klómmel noe?
Woo sjik ‘r mich nao toe?

Refrein
Woo haer? Woo haer? Woo gaon veer noe toch haer?
Woo sjik ut dènk oos noe weier haer?
Alaaf dat haw ich toch geprogrammeierd.
Noe liek ut d’rop dat dae pröl get fantezeierd.
Vastelaovend viere dat waar ich van plan.
Mer dae klómmel dae maak mich d’r noe ein pötje van.
Woo haer? Woo haer? Woo gaon veer noe toch haer?
Went de gee-pee-es…
Zit d’r ram doorhaer

Koeplèt 2
Èntjelings is de wage vaerdig,
waat ein plaetje zègk ich dich
Woo vaar veer dao mit haer?
Jao, die sjtöm die zaet ’t gaer
Mer dao heur veer de eesjte vastelaovesklank
Dan zètte veer de waage mer èns in de gank
En sjlaon veer hie dan aaf
Dan zeen veer ram van sjlaag